ЦАРАЙ МУУТ

Миний ажиллаж байсан барилгын канпанид нэгэн явдал болж билээ.Барилгын ажил хүнд хэцүү цаг нартай уралдадгыг та минь мэдэх бизээ. Манай барилга дээр нэгэн өрлөгийн бригад байлаа. Тэр бригад авсан ажилаа маш түргэн хугацаанд шуурхай чанартай хийж гүйцэтгэнэ. Нэгэн удаа өдрийн цагаар бригадуудын ажлыг шалгаж явж байгаад уг бригад дээр очлоо. Ажилчид тоосгоо өрж ажилаа хийж байгааг нь харж зогсохдоо нэг юм ажиглалаа. Бригадын залуус нэг залууг царай муут гэж дуудна....Хөөе царай муут тооосго аваад аль, хөөе царай муут шавар зөөгөөд ир,царай муутаа шавраа зуур гэх мэтчилэн өнөөх залууг хэлэх юм.Залуу маань үүнд огт ууралсан шинжгүй хэлсэн болгоныг нь хийж байлаа. Анзаарч ажиглавал залуус үнэн хэлжээ үнэхээр царай муутай нэгэн байлаа. Тэрнээс хойш хэд хоногын дараа уг бригадын ажил нэг л урагшгүй зогсонги болсым. Би ажил яагаад явахгүй байгаа талаар бригадын дарга гэх урууланд нь наачихсан юм шиг амнаасаа тамхи салгадгүй хижээл насны эрээс асуухад.. Манайд ажилдаг царай муутай тэнэг юм ажилдаа ирэхгүй гурав хонож байна гэж хариулав. Өдөр хоног өнгөрсөөр уг бригад маань гэрээт ажилаа хугацаанд нь өгч чадсангүй. Би ч бригадын даргыг зэмлэлээ.
Тэгж байтал царай муут хоёр долоо хоногын дараа ирлээ. Бригадын даргадаа нэлээн загнуулж байгаа харагдлаа. Хөдөө байдаг ганц эгчийнх нь бие муудаад хэл өгч чадалгүй нутаг буцаад ирсэн гэнэ.
Удалгүй тэдний бригадын ажил ч хэвийн явж эхэллээ, ажилаа ч хугацаанаас нь өмнө өгдөг боллоо. Царай муут бригадынхаа гол ажлыг нуруун дээрээ үүрч робот мэт ажилна.
Нэгэн удаа уламжлал ёсоороо ажил шалгаж яваад царай муутай эртэй таарлаа.. Түүний цуцхаа мэдэхгүй хөлсөө урсган тоосго, блок зөөж, шавар зуурч байгааг нь хархад бахархам сайхан байлаа. Харин залуус урьдын адил....хөөе царай муутаа тоосгоо, шавар дуусчлаа тэнэг минь хурдлаач, царай муутаааа...гэж зандрах нь надад утгагүй санагдаж залууст хандан: тэр бол та нарын дундаас хамгийн царайлаг нь гэж хэллээ. Залуус над руу эвэртэй туулай үзсэн мэт харж, инженер юу гэчвээ гэсэн аятай хоорондоо шивнэлдэнэ. Өрөө рүүгээ буцаж алхах замдаа би, царай муутай хүн гэж бөгтөр нуруутай, бөөрөнхий хөлтэй, онигор нүдтэй, орсгой шүдтэй хүнийг хэлдэгүй юм байна. Харин царай муутай хүн гэж арчаагүй, ажилгүй, залхуу хүнийг хэлдэг юм байна даа гэж бодож билээ.

ТЭД БИДНИЙ ТУХАЙ

Өглөөгүүр цонхоор харж байтал нэг сонин юм харагдав. Байрны урд талын сааданд олон амьтад цугларчээ. Тэнд үхэр, гахай, нохой, тахиа, илжиг г.м олон амьтад цугларч нэгэн зүйлийн талаар ам уралдан ярилцна. Бараг л хурал шахуу тэр цуглаанд байгаа амьтадын нүд хорсолтойгоор гялалзана. Уулзалтыг ахалж байгаа боловуу гэмээр аварга том сэлмэн эвэртэй хүрэн үхэр өгүүлрүүн.... тэгэхээр нөхөд минь бидний амьдралын мөн чанар юу вэ? Бидний амьдрал зовиуртай хүнд хүчир богинохон. бид ер нь амьдархын төлөө иддэг үү? идэхийн төлөө амьдардаг уу? бид эрх чөлөөтэй амьдарч чадаж байна уу ер нь ? үгүй ямар ч эрх чөлөөгүй. бидний амьдрал бол зовлон зүдгүүр, боолчлол. Биднийг ийм байдалтай болгосон нөхдүүд бол хүмүүс. Хүн бидний цорын ганц заналт дайсан. Хүнийг л бид алга хийчихвэл, өлсгөлөн хүнд хүчир боолчлолоос бид гарч чадна. Зарим амьтад үүнийг харсаар байж мэдээгүй юм шиг өнгөрөх юм. Хүнээс сүү гардаггүй, Тэд өндөглөж чаддаггүй, нисч чадахгүй, сэлж чадахгүй. Гэтэл хүн гэгч царай муутай хоёр хөл дээрээ явдаг энэ амьтан бүх амьтны эзэн. За тэгээд хүнийг хардаа ямар балиар харагддаг гээч! Юу ч хамаагүй иднэ. Янз бүрийн юм биенээсээ зүүнэ, царай нь авх юм байхгүй, шалдан биетэй үзэшгүй амьтан. Ядаж байхад сүүл ч байхгүй шүү. Тэд биднийг төрмөгц өл залгах төдий хүнс тэжээл өгнө. Чадал тэнхээтэйг нь сүүлчийнх нь хүчийг шавхтал ажиллуулна. Ийм золгүй амьдралтай байтал биднийг байгалийн жам ёсоор нь наслуулдаггүй. Ашиглах боломжгүй болмогц нь зэрлэгээр нядлана. Энэ чинь шудрага явдал гэжүү ? та минь. амьдарлын сүүлчийн мөчид ямар ч амьтан хурц хутга, хурдан буутай тулгарна. Тэдгээр амьтадын тамлуулж, орилон амь тавьж байгаа нь сонсогдсоор л байна. Иймд одоо тэмцэл хийх цаг болжээ нөхдөө!!! Тэгэхлээр яах вэ? өлсгөлөн зарлах уу? ажил хаялт хийх үү? энэ дарангуйлагч нартай яаж тэмцэх вэ нөхдөө?........ энэ үед орцноос гарч ирсэн нэгэн жаал чулуу нүүлгэн тэдний хурлыг тарааж орхив. амьтад жаалруу гомдолтой харж, нүдэндээ доголон нулимстай таран одлоо...........

Идээд, уугаад, унтаад, унгаад л бай!!!

Ажлын газрын маань нэг ах хүүгийн ярьсан яриа санаанд орчихлоо. Их сургуульд байхдаа мань эр гудамжаар яваа бүдүүн залуусыг шүүрс алдан харж "Бурхан минь, амьдралдаа нэг ч гэсэн удаа бүдүүн гахай" гэж дуудуулж үзэх юмсан даа гэж бодно. Сургуулиа төгсөөд мөрөөдөл нь амархан биелсээн. Ямар мөрөөдөл гэж та гайхаж байна уу? ...бүдүүн гахай...
Дээд сургуулиа төгсөхдөө намрын хатсан навч, ямааны гурав гэж дуудуулдаг байсан залуу маань нэгэн газрын оффист сууснаар 100 кг хол давж хүсэж байсан гахай нэрээ авчээ. Харин одоо юун тухай хэдэн үг хэлэх гэснийг минь ойлгосон байх. Найз нар дотор маань 200-ийн божка шиг нөхөр ч бий, шалны мод шиг ч нөхөр бий. Энэ удаад поошигнуудын талаар бичнээ. Ер нь би таргалалтыг гурав хуваагаад байгаа юм. Нэгдүгээрт, за эхний шат гэе..: Нүүр нь арван тавны сар мэт мэлтийж, хувцас нь багадаж, хоол хайж, гэдэс нь унжиж ирнэ.
Энэ үед нэгдүгээр шатныхан байнга биеэ өмөөрнө. Тэд: Энэ бол буяны тарга, буяны юм гэж унжсан гэдэсрүүгээ заана.
Хоёрдугаар шатныхан маань: илтэд поошиг шинжиндээ дөхөж очсон байна. Тэдний гэдэс нь мантууны эссэн гурил савнаасаа халих мэт өмдөн дээгүүрээ унжиж, өмссөн хувцас нь Spiderman киноны баатар хувцасаа өмссөн юм шиг л харагдана. Гэхдээ эд нарт турах боломж хангалттай бий. Ихэнхдээ хоёрдугаар шатныхан их залхуу болсон байдаг. Идээд л, уугаад л, унтаад л, унгаад л...
За одоо төгсгөлийн шатныхан: Ямар ч өмд өмссөн иртүүз шиг харагдаад л, тэдний зарим нь урд байдаг эрхтнээ харна, зарим нь олж харалгүй олон жил болсон байдаг. Хичнээн тонгойгоод хичээгээд ч хөлнийхөө хурууг олж харна гэж гонжийн жоо! Тэд өөрсдийгөө их эрхлүүлэнэ, Тэдний хувьд турна гэдэг бараг л мянгуужингийн үлгэр.
За тэгээд найз нөхөд, ойр дотны хүмүүсээ яагаад таргалсан шалтгаануудыг бодож байгаад бичлээ. Шинжлэх ухаан талаасаа миний мэдлэг хүрэхгүй учир уучилна биз.
Мэдээж гол шалтгаан бол гахай шиг хооллолт. Хаа тааралдсан газраа гэдэс нь хонхолзоод ирэхээр юу ч идэхээс сийхгүй. За тэгээд өдөржин хоосон байж байгаад орой гэнэт санаснуу яасан түмпэн түмпэнгээр нь иднэ дээ. Зүрхээ дэлстэл аяга аягаар нь кофе ууна.
Хөдөлгөөний дутагдал: Суудлын ажил хийдэг хүмүүс ихэвчлэн ордог. Өдөржин бөгсөө холготол сууж суучихаад орой харихаараа хоёр метр газар такси барина. Гэртээ ирээд зурагтныхаа өөдөөс хараад лаглайтал хоол идээд суучихана.
За тэгээд шоудалт: Манайханд ямар шоу цэнгээн тасрах биш дээ. Найз нөхөдийн төрсөн өдөр, элдэв баярын өдөр, хөл бөмбөгт түрүүлсэнийх, хүүхэдтэй болсных гээд л... Энэ үед нөгөө шар талхыг усны үхэр шиг л ууна. Заадаа тэгээд эцсийн шалтгаан нь бол залхуугынх доо. Таргалах тусмаа залхуураад л, заваараад л, ялхайгаад л, сандалд шигдээд л... Хөдлөх хөдөлмөрлөх л хэрэгтэйдээ. Дээр бичсэн зүйлс зөвхөн миний хувийн бодол шүү.
Ингээд турж, эрүүлжиж, тархи оюун ухаанаа сэргээж, өөрийгөө ялж байгаа залуустаа амжилт хүсье. NEO нь.

Яаадгийм!!! Бурхан шиг хоёр ерөнхийлөгчтэй болно л биз.

Ёстой бурхад байжээ тэд минь. За энэ ч хэн нэгэн буянтай талийгаачийн тухай дурсгал тэрлэх нь дээ гэж та нар бодож байна уу. Үгүй шүү. Ерөнхийлөгчийн сонгуулийн сурталчилгаа эхлээгүй бол ч би ямар сайхан бурхан шиг хүмүүстэй нэг тэнгэрийн дор гэлдэрч яваагаа мэдэхгүй л ам хэлээрээ бузарлаад, хараагаад явах байж шүү тэднийг. Надтай адилхан мунхаглан төөрч будилсан олон залуус тэр сайхан хүмүүсээ мэдэхгүй, ойлгохгүй, урт шар дээлт, навтгар уран донгодогч гээд л гоочлоод суух байжээ. Еэ ашгүй энэ сонгуулийн ачаар Монгол түмний заяа буянаар тодорсон бүрэлбаанууд байсныг сая л мэдэрлээ.
Намбар, Цахиа хоёр их даруу бодьгалууд байсан болохоороо хийсэн бүтээснээ нуугаад л яваад байж шүү дээ биднээсээ. Хэлэхгүй, ярихгүй аваас мунхаг бид чинь яаж ойлгох билээ дээ базарваань гэж. Тэгсэн Намбар чинь л атрын аянаас эхлээд хүүхэд, хөгшчүүлийн тэтгэвэрийг хүртэл өгсөн юм байна шүү дээ. Мянганы замаас эхлээд олимпийн аваргыг хүртэл ерөнхийлөгч маань л төрүүлсэн юм байна. Малчдын мал өссөн, тариа будаа ургасан, Эрдэнэтийн зэсийн үнэ өссөн, цахим хөтөлбөрийг хэрэгжүүлсэн, инфляцийг бууруулсан гээд тоочоод байвал бидний амьдралд тохиосон сайн сайхан бүхнийг ерөнхийлөгч Намбар л бидэнд өгчээ. Намбараас өөр хүн ерөнхийлөгч болчихвол жунгаа нар хилээ хаагаад, иванууд бензинээ өгөхөө байчих юм гэнэ. Харь оронд зочлоход нь гадныхан англиар ярихыг нь ангайтал сонсоод бас сайхан мяраалаг, нуруулаг ерөнхийлөгчийг хараад Монголчуудын амьдрал сайхан байгаа юм байна мөнгө өгье тэдэнд гээд л... Сайхаан сайхан.
Гэхдээ Цахиа ч бас түүнээс дутахгүй. Бие хаа царай зүсээрээ гүйцэхгүй нь гэдгээ хүлээн зөвшөөрсөн ч Ардчиллаас эхлээд л хийсэн ажил, хэлэх үгээрээ ундарч буй гэнэ. Цахиа гэх хөдөөний хүрэл бор залуугийн ачаар л Монголчууд Ардчилсан нийгэмд шилжин, хүний эрх гээч хачин сонин зүйлийн талаар мэддэг болсон байх юм. Мөн өнөө хэдэн борлонгийн маань тоог Ардчиллын үед ганцхан жилийн дотор л цөм өсгөж 22 саяаас 48 болтол нь үржүүлж өгчээ. Ямар витамин гэхээрээ ингэж үйлчилдэг байнаа. Энэ хүүхэд төрүүлж болдоггүй зовлонтой бүсгүйчүүдэд тусалж чадах витамин байдаг эсэхийг нь түүнээс асуух юмсан. Мөн өнөө дээр дурьдаад байсан хүүхдийн тэтгэмж, комьпютерийн хангамжийг мань хүн анх санаачилсныг Намбар ах нь аархаад хулгайлчихсан гэх юм. Аа энэ ч яахав. Яс булаацалдаж байгаа нохдын хооронд орж гараа тасдуулаад яахав, хэн хийсэн нь маньд ямар хамаатай юм биш. Гарсан үр дүн нь чухал биздээ. За тэгээд энэ хоёр байхад ер нь тэгээд тэр хэрэлдэхээс өөр ид шидгүй 76-ийн хэрэг байна уу, засгийн газрын ч хэрэг алга ч юм шиг. Бүх зүйлийг мань хоёр л хийсэн байна. Бусад нь ярихаас өөр юу ч бүтээгээгүй. Ийм сайхан хүмүүс байхад өөр бусдаар яах юм. Хэн хэнийг нь дэмжсэн уухайлсан ард түмэн өдөр бүр зурагтаар аз жаргалтай мишээл тодруулсаар. Магтах үг сүүлдээ олдохоо болих шинжтэй.
Ийм сайхан зүйлийг ярьдаг, ард түмэндээ хайртай, бидний төлөө өөрсдийгөө зориулсан энэ сайхан хүмүүсийнхээ хэн нэгнийг нь гомдооно гэдэг байж болшгүй зүйл мэт санагдаад явчлаа. Ерөөсөө Намбарыг улираан сонгоод дээрээс нь Цахиаг нэмээд сонгочихвол тээ. Яагаад заавал ганц Ерөнхийлөгчтэй байх ёстой гэж. Дараагийн дөрвөн жилдээ тэр эрчээрээ явбал мань хоёр мануусын амьдралыг АНУ, Хятадын түвшинд ч аваачиж мэдэх нь байна шүү таминь. Тиймээс ухаалаг ард түмэн минь одоо тэднийгээ хооронд нь өрсөлдүүлээд хэрэггүйээ. Илүү зардлын нэмэр. Ер нь тэгээд ч эндээсээ ахин дахин ерөнхийлөгчийн сонгууль явуулаад яахын. Шууд л энэ хоёрыг насан туршийн ерөнхийлөгч болгочихоё. Гоё гоё

Ерөнхийлөгч гэж хэн юм бэ?

DZ-Man ахын дууг сонсоод өөрийн мэдрэлгүй үүнийг биччихлээ.

Ерөнхийлөгч гэж хэн юм бэ?
За та бүхний түмэн амгаланг айлтгая аа.
Дашка ахыгаа таньж байна уу
Ерөнхийлөгч гэж хэн юм бэ?
Энэ бол хүний дээдийн дээд ээ

Ерөнхийлөгчид өрсөлдөж бололгүй л яахав хүүхдүүд ээ.. Аа гэхдээ, шударгаар л өрсөлдөнө шүү..

Дахилт:
Ерөнхийлөгч гэж хэн юм бэ? Ерөнхийлөгч гэж хэн юм бэ?
Аа гэхдээ, аа гэхдээ...

За Дашка ах нь хэзээ ч хүн муулж, худлаа ярьдаггүй байлаа
Аа гэхдээ өнөөдөр ерөнхийлөгчид өрсөлдөгч хүүхдүүд яаж байнаа, болохгүй ээ...
Дашка ах нь хармаандаа сохор зоосгүй байсан ч хулгай хийж үзээгүй юм
Аа гэхдээ өнөөдөр ар өвөрийн хаалгаар улайм цайм хулгай хийдэг болжээ тэд минь, болохгүй ээ...
Ерөнхийлөгч гэдэг гайхамшигтай хүн шүү хүүхдүүд минь

Дахилт:
Ерөнхийлөгч гэж хэн юм бэ? Ерөнхийлөгч гэж хэн юм бэ? еэ
Аа гэхдээ, аа гэхдээ...

Улс үндэстний амжилт, хөгжил гэж юу юм бэ?
Уужуу холч ухаан, үнэнч шударга зан юм шүү дээ хүүхдүүдээ
Бие биендээ итгэлтэй байгаарай
Бие биенээ хэрхэвч хуурч бас алж болохгүй шүү

Ерөнхийлөгч гэж хэн юм бэ? Ерөнхийлөгч гэж хэн юм бэ?
Listen to your heart, mild children, merci beaucoup

Чадварлаг ерөнхийлөгч болчих хүүхэд байна уу энэ монголд минь
Уран донгодогч, авилгач, дарамтлагч л дүүрэн байх чинь
Ард түмэн минь юу бодож байнаа...
Тэднийг гадуурхаж байгаа юм бишээ, аа гэхдээ
Эх орноо хайрлаж, харамлаж байгаа нь тэр байхгүй юү дээ...

Да ра ра даараа ра, ля ля ля да раа раа...

Ерөнхийлөгч гэж хэн юм бэ? Ерөнхийлөгч гэж хэн юм бэ? хэн юм бэ?

СТУДИД NEO АЖИЛЛАА, АНХААРАЛ ТАВЬСАН ЯВДАЛД БАЯРЛАЛАА!